ပန်နဒေါလ် နှစ်လုံးအစွမ်းကြောင့် ကိုယ်လက်နာကျင်တာတွေပျောက်ပြီး ခေါင်းတစ်ခုလုံး ကြည်လင်နေပါတော့တယ်။
ဇာတ်လမ်းစပြီ ဆိုတဲ့ပုံစံနဲ့ ကျမလက်ထဲကို အိမ်ဖုန်းလှမ်းပေးတဲ့ မလတ်ကို ဖုန်းကိုလက်နဲ့ပိတ်ထားပြီး ဘာဖြစ်လဲလို့ဆိုတဲ့ မျက်နှာအမူအရာနဲ့ မေးတဲ့ကျမကို အန်တီကို မေးပါလို့ ပါးစပ်လှုပ်တယ် ဆိုရုံ ပြန်ပြောပါတယ်။ ကျမလဲ စိတ်ဝင်တစားနဲ့ အန်တီ... မမ... ပါလို့ အသံပေးလိုက်တော့ ပြာနှောက် နေတဲ့ အသံနဲ့ သမီး ခဏလောက် လာခဲ့ပါလားကွယ်လို့ ခေါ်ပါတယ်။ ကျမစိတ်ရှုပ်စွာ မလတ်ကိုလှည့်ကြည့်တော့ ညဝတ် အကျီလဲပြီးလို့ သွားဖို့အဆင်သင့် ဖြစ်နေပါပြီရှင်။
အိမ်ငှါးပြီဆိုရင် ဦးတဲ့သူက ရေချိုးခန်းအိမ်သာတွဲရက် အခန်းကို မက်ကြပါတယ်။ အခု အဒေါ်နဲ့သူ့သမီးက အဲဒီအခန်းကိုယူထားပါတယ် နောက် ညီမဝမ်းကွဲ လက်ရှိနှစ်ယောက်က ရိုးရိုးအခန်းတစ်ခန်း ကျန်တဲ့ နှစ်ယောက်က ကျောင်းတက်ဖို့ ရန်ကုန်ကနေ ရက်ပိုင်းအတွင်းရောက်မှာ လက်ရှိမှာတော့ သူတို့
လေးယောက်ပဲ ဒီအိမ်ကြီးမှာရှိပါတယ်။ ကျမတို့ ရောက်သွားတဲ့အချိန်မှာတော့ အချိန်မတော်ကြီးဖြစ်နေတာကြောင့် ဘဲလ်မတီးပဲ ဖုန်းခေါ်လိုက်တယ်ဆို အန်တီက တံခါးလာဖွင့်ပေးပါတယ်။
လေးယောက်စလုံး ထိပ်ထိပ်ပြာပြာပုံစံတွေနဲ့ပါ။ ကျမကအန်တီအနားမှာ ဝင်ထိုင်ရင်း ဘာဖြစ်လဲအန်တီလို့မေးတော့.....
သူတို့ ရောက်ကတည်းက ပစ္စည်းတွေ စီစီရီရီဖြစ်အောင် နေရာချတယ် ထမင်းချက်တယ်။ ကိုယ့်အခန်းမှာ ကိုယ်ဖာသာကို လုပ်နေကြတယ်ပေါ့ ဆယ်နာရီမှာတော့ ထမင်းအတူတူစားကြတယ်တဲ့။ အန်တီအခန်းက ဘီဒိုတွေက အနံ့အသက်တွေ သိပ်မကောင်းလို့ ဆေးတွေဖြန်းသန့်ရှင်းရေး လုပ်ပြီးဘီဒိုတွေဖွင့်ထားရင်
အနားမှာ ပလပ်စတစ်ဖျာလေးခင်းပြီး အကျီတွေကို ညီညီညာညာ ခေါက်ထားပါတယ်။ သုံးနှစ်လုံးလုံး ကျမတို့နဲ့ မတောင့်မတ နေလာရတော့ သူတို့လေးယောက်ထဲ အိမ်ကြီးက မတရားကျယ်ပြီး စိတ်ခြောက်ခြားတဲ့ အတွက် အခန်းတစ်ခန်းထဲမှာပဲ ဒီည မွေ့ယာတွေချခင်းပြီး အိပ်ဖို့ဆုံးဖြတ်လိုက်ကြရင်း ည ၁၁ နာရီလောက်မှာ အိပ်ယာဝင်ကြပါတယ်။
တစ်အိမ်လုံးမီးတွေပိတ်ပြီး သူတို့အခန်းမီးကိုတော့ ဖွင့်ပြီးအိပ်တယ်လို့ ပြောပါတယ်။ ညသန်းခေါင် ၁၂ နာရီလောက်ကနေစပြီး ပစ္စည်းတွန်းသံ ရွှေ့ သံတွေကြောင့် သူတို့တစ်တွေ လန့်နိုးလာတယ်လို့ ဆိုပါတယ်။ သူတို့ စိတ်ထဲမှာအပေါ်ထပ် ဒါမှမဟုတ် ဘေးအိမ်ခန်းက အချိန်မတော်ကြီးလို့ တွေးနေတုန်းမှာပဲ အချိန်မတော် ဘဲလ်တီးတဲ့အတွက် သူတို့တံခါးနားကို စုပြုံသွားပြီး ချောင်းကြည့်ပေါက်က ကြည့်တဲ့ အချိန်မှာတော့ သုံးဆယ်ကျော် လေးဆယ်နီးပါး စလုံးတရုတ်မ တစ်ယောက် အလွန်စိတ်ဆိုးနေတဲ့ဟန်နဲ့ အဆက်မပြတ် သူတို့မဖွင့်မခြင်း တီးနေပါတော့တယ်။
ညီမဝမ်းကွဲက ဦးဆောင်ပြီး တံခါးကိုဖွင့်ပါတယ်။ အဒေါ်ကတော့ နိုင်ငံရပ်ခြားမှာရယ် ဒီအိမ်မှာ သူဦးဆောင်ရတော့မှာကို တွေးပြီး အလွန်အမင်းစိတ်ဓါတ်ကြ နေတယ်လို့ ဆိုပါတယ်။ ညီမဝမ်းကွဲ တံခါးဖွင့်လိုက်တယ်ဆိုရင်ပဲ စလုံးမက သူအောက်ထပ်မှာနေတာ အဲဒီလောက်ဆူညံနေရင် သူဘယ်လိုအိပ်မလဲ
မနက်ဘယ်လိုရုံးသွားမလဲ ပထမဆုံးနဲ့ နောက်ဆုံးအကြိမ် သတိပေးတာပဲ နောက်တခါအသံထွက်တာနဲ့ သူ...ရဲကိုခေါ်ဘို့ အဆင်သင့်ပဲလို့ ကြိမ်းမောင်းပါတော့တယ်။ ညီမဝမ်းကွဲက သွက်လက်ချက်ချာစွာနဲ့ လင်းရှင်းနေတဲ့သူတို့ ဧည့်ခန်းကို လက်ညိူးထိုးပြပြီး ငါလဲကုမ္ပဏီဝန်ထမ်း တယောက်ပါပဲ မနက်အလုပ်သွားဖို့အတွက် အိပ်နေခဲ့တာပါပဲ ဒီအသံတွေကြောင့် ငါတို့လန့်နိုးလာတာပါ သေချာတာက အဲဒီအသံတွေ ငါတို့အိမ်ကဆိုရင်တောင် ငါ့တို့လုပ်တာမဟုတ်ဘူး ဆိုတာပဲ ငါ့တို့မှာရွှေ့စရာ
ဘာပစ္စည်းတခုမှမရှိဘူး နင်ဝင်ကြည့်နိူင်ပါတယ် အမျိုးသမီးလေးယောက်တည်း နေတာပါလို့ ပြောတဲ့ ညီမ စကားကြောင့် အဲ့ဒီ အမျိုးသမီးက ဧည့်ခန်းထဲအထိဝင်ပြီး ဟိုကြည့်ဒီကြည့်ကြည့်ရင်း တစ်ခုခု မှားနေတာပေါ့လို့ ပြောပြီး သူတို့ကို အိမ်ရှင်ကို အကြောင်းကြားသင့်တယ်လို့အကြံပေးရင်း စိတ်ရှုပ်စွာ နှုတ်ဆက်ပြီး ထွက်သွားတယ် လို့ဆိုပါတယ်။
သူတို့လဲ မီးတွေပိတ်အခန်းထဲဝင်ပြီး အိပ်ဖို့လုပ်တော့ ညီမငယ်က အခန်းမီးပါ ပိတ်ခိုင်းပါတယ်တဲ့ မီးလင်းနေတဲ့
အတွက် သူအိပ်လို့မရကြောင်းပြောတော့ အားလုံးသဘောတူ မီးပိတ်လိုက်တဲ့ အချိန်မှာတော့ ရေချိုးခန်း အိမ်သာပါတဲ့ အခန်းကမီးလင်းနေကြောင်း တအံ့တသြ တွေ့လိုက်ရလို့ သူတို့ထွက်မပိတ်ရဲတော့ပဲ အိပ်ဖို့လုပ်ပါတယ်။ အိပ်မပျော်တဲ့ အတွက်အားလုံး အိပ်ယာထဲမှာ မီးပိတ်ပြီး ငြိမ်သက်နေတဲ့အချိန်မှာပဲ
အမျိုးသမီးတစ်ယောက်ရဲ့ ဝမ်းပမ်းတနည်း ငိုရိူက်သံကို ကြားရပါတော့တယ်။ အားလုံး တစ်ယောက်လက်ကို တစ်ယောက်ဆုပ် ကိုင်ထားရင်း မှောင်ထဲမှာစုထိုင်နေရင်းက သူတို့ရဲ့ အခန်းတံခါး အပြင်ဘက်ကို စူးစိုက်ပြီး ကြည့်နေကြတုန်းမှာပဲ သိပ်ကို ချောမောလှပပြီး ၀မ်းနဲစွာငိုကြွေးနေတဲ့ အမျိုးသမီးတစ်ယောက်ရဲ့ မျက်နာတစ်ခုကို အခန်းတံခါးက မှန်ကွက်ထဲမှာ ပြိုင်တူတွေ့လိုက်ရတဲ့ အချိန်မှာတော့ ကျမတို့
ကိုဖုန်းဆက်ပြီး အဖေါ်အဖြစ် လုပ်ပေးဖို့ ခေါ်ရခြင်းဖြစ်ပါတယ်တဲ့ ရှင်။
ကျမတို့ရောက်တဲ့ အချိန်မှာတော့ အရာအားလုံးက တိတ်တိတ် ဆိတ်ဆိတ် ပါပဲ ကျမတို့လဲ ဘာပြောရမှန်းမသိပါဘူး ဒီလိုအချိန်မတော်ကြီးမှာလဲ မစ္စတာအန်းနဲ့ သေဆုံးသွား တဲ့သူ့ဇနီးအကြောင်း ကိုပြောပြလို့ မဖြစ်နိူင်ပါဘူး။ အန်တီတို့ လူနည်းလို့ ရယ် ရောက်ခါစ နေသားမကျသေးလို့ပါ သွားသွားအိပ်ကျတော့လို့ ညီမငယ်သုံးယောက်ကို အိပ်ခိုင်းလိုက်ရင်းအန်တီ ကျမနဲ့ မလတ်ကတော့ ဘုရားခန်းမှာပဲအိပ်လိုက်ရင်း တစ်ညတာကို ကုန်ဆုံးစေခဲ့ပါတယ်။ မနက်ငါးနာရီထိုးခါနီးအချိန်မှာတော့ ကျမနဲ့မလတ် အန်တီကိုနှုတ်ဆက်လို့ ပြန်လာခဲ့ပါတယ်။ အားလုံးအလုပ်သွား ကျောင်းသွားတဲ့ အချိန်မှာတော့ အဲဒီအိမ်ကြီးကို ပိတ်ပြီး တစ်ယောက်တည်းဖြစ်နေတဲ့ အန်တီက ကျမတို့အိမ်မှာလာနေခဲ့ပါတယ်။
ဒီလိုနဲ့ ရန်ကုန်ကလာမဲ့သူတွေက နောက်ကိုတစ်ပတ်ထပ်ဆုတ် လိုက်တာကြောင့် ကျမတို့အန်တီအတွက် စဉ်းစားရပါတော့တယ်။ ဒီအချိန်မှာပဲ ကံကောင်းထောက်မစွာ မြန်မာပြည်က ဆရာတော်ကြီးတစ်ပါးနဲ့ အဖေါ်ဖြစ်သူနှစ်ယောက် ဆရာတော်ကြီးကျန်းမာရေးအတွက် အရေးပေါ်စင်္ကာပူကိုရောက်လာပြီး နေစရာအခက်အခဲဖြစ်နေတဲ့အတွက် ကျမကိုအကူအညီ တောင်းပါတော့တယ်။ အန်တီကဝမ်းသာအားရ လက်ခံတယ်ဆိုရင်ပဲ ရေချိုးခန်းအိပ်သာပါတဲ့အခန်းကို ရှင်းလင်းပြီး ဆရာတော်ကြီးအတွက် ပါလာမဲ့ဧည့်သည် တွေအတွက်ဝိုင်းဝန်းပြီး ပြင်ဆင်ကြပါတော့တယ်။ ဆရာတော်ကြီး ကလည်း အရေးပေါ်ခွဲစိတ်ရမှာ ဖြစ်တဲ့အတွက် ၂ရက်ပဲအိမ်မှာနားပြီး ဆေးရုံတန်းတက်ရမှာ ဖြစ်တဲ့အတွက် အန်တီက အိမ်တက်လဲဖြစ် ပရိတ်လဲရွတ်ချင်တဲ့ အတွက်ကြိုတင်ပြင်ဆင်ပါတော့တယ်ရှင်။
အဲ့ဒီမနက်မှာတော့ တော့ အိမ်တစ်ခုလုံး လူသံသူသံတွေနဲ့ ဆူညံနေကြရင်းကပဲ ဆရာတော်ကြီးက ငါးပါးသီလနဲ့ တရားတော်များကို ရွတ်ဖတ် သရဇယ်ပါတော့တယ်။ အဲဒီအချိန်က အိမ်အနေအထားလေးကို ပြောပြချင်ပါတယ် ဧည့်ခန်းရဲ့ ဘုရားစင်ဘက်ရှေ့ဆုံးမှာ ပရ်ိသတ်ဘက်ကိုလှည့်ပြီး ဆရာတော်ကြီးက ငါးပါးသီလ ပေးပါတယ်။ လူတစ်ဆယ့်နှစ်ဦးလောက်က ရှေ့ဘက်မှာစုပြီးထိုင်ပါတယ် အန်တီက ခြေထောက်မကောင်းလို့ ကြွေပြား
ပေါ်မှာ အကြာကြီးထိုင်လို့ မရတဲ့အတွက် နောက်ဖက်ဆုံးမှာ ခြေထောက်တစ်ဖက်ကိုဆင်းပြီး ထိုင်ရရှာပါတယ် ကျမကတော့ အန်တီနဲ့ မလှမ်းမကမ်းမှာ ထိုင်လို့ထလို့ရအောင် သူများတွေ အတွက် အနှောက်အယှက် မဖြစ်အောင် ထိုင်ပါတယ်ရှင်။ ကျမတို့ အိမ်မကြီးတံခါးကို ဖွင့်ထားပါတယ် ဧည့်သည်လာရင်
ထမဖွင့်ပေးရအောင်ပါ၊ တယ်လီဖုန်းကိုတော့ ကျမအနားမှာရွေ့ထားပါတယ် အိမ်ရှာတဲ့သူတွေကို အလွယ်တကူ ဖြေရအောင်ပါ။
ကျမတို့ ငါးပါးသီလခံနေတုန်းမှာပဲ အမျိုးသမီး တစ်ယောက်ဝင်လာပြီး ကျမနဲ့အန်တီရဲ့ ကြားနေရာ အတော်လွတ်လွတ်မှာ ထိုင်ပါတယ် ကျမကမျက်လုံးကိုစုံမှိတ် လက်နှစ်ဖက်ကိုယှက်ပြီး ငါးပါးသီလ ခံယူနေတဲ့အတွက် ဘယ်သူလဲမကြည့်တော့ပါဘူး။ မွေးပျံ့လွန်းတဲ့ ရှယ်နယ်ဖိုက်ရေမွေး နံ့ကြောင့်သာ
စိတ်ကနည်းနည်း ဆန်းကျယ်လွန်းစွာ မျက်လုံးကိုဖွင့်ပြီး ဦးခေါင်းမလှုပ်ပဲ ငုံလျှက်အတိုင်းစ ပ်စုတယ်ဆိုရင် သိပ်ကိုလှပလွန်းတဲ့ ဂါဝန်ဖြူဖြူလေးက အဝါနုနုလေးပြေးတယ်ဆိုယုံ ပါးပါးလျားလျားလေးပါ
ကျမ ကပေါက်တိ ကပေါက်ချာ လိုက်ဆိုရင်း စဉ်းစားပါတယ်။ ဘယ်သူလဲ မြန်မာမဟုတ်တာသေချာတယ် ဒီဂါဝန်မျိုးကို ဒီလိုအချိန်ဒီလိုနေရာမျိုးကို ဘယ်သူကများ ဝတ်လာသလဲ ဂေါက်တော့ ဂေါက်ပဲလို့
အကုသိုလ်စိတ်က တိုးဝင်လာရင်း ရယ်ချင်နေပါတယ်။
အဲဒီအချိန်မှာပဲ အိမ်ဖုန်းကမြည်လာတဲ့ အတွက် ဖုန်းကိုအမြန်ကောက်ကိုင်သူများတွေ အနှောက်အယှက် မဖြစ်အောင် ခေါင်းကို ငုံ့လို့တိုးတိုးနဲ့ လမ်းညွန်ပါတယ် ကျမစိတ်ထင် ခုနှစ်မိနစ်ထက် ပိုမယ်မထင်ပါဘူး။ ဖုန်းကိုပြန်ချရင်း ရတဲ့အခွင့်အရေးကိုလက်လွတ်မခံပဲ ဘေးဘီကို စပ်စုတော့ အခုနအမျိုးသမီးကို ကြည့်တော့ မရှိတော့ပါဘူး။ ကျမတစ်ကိုယ်လုံး ကြက်သီး တဖြန်းဖြန်း ထရင်း အန်တီကိုအကူအညီရလို့ရငြားကြည့်တော့ အန်တီကမျက်ရည်ပေါက်ပေါက်ကြရင်း သူ့ကိုထူမပေးဖို့ အမူအရာနဲ့ဆိုပါတယ် ကျမအလျှင်အမြန် အန်တီကို တွဲထူပေးလိုက်ရင်း အခန်းထဲကို ခေါ်လာခဲ့တယ်ဆိုရင် အန်တီကငိုပါတယ် အမျိုးသမီးတစ်ယောက်အနားမှာလာ ထိုင်တာတွေ့လားလို့ ကျမကိုမေးပါတယ် ကျမကသိတယ် ကျမခိုးကြည့်တော့ ဂါဝန်အဖြူလေးနဲ့ ဘယ်သူလဲ ဘယ်ရောက်သွားတာလဲလို့ကျမမေးတော့ အန်တီက ကျမကိုဒီလိုပြောပြပါတယ်။
မမရယ် သူဝင်လာထဲက အန်တီတွေ့တာပါ အန်တီကိုပြုံးပြနူတ်ဆက်ပါတယ် အန်တီလဲ မမ ဒါမှမဟုတ် မလတ်သူငယ်ချင်းလို့ ထင်ခဲ့တာပါ သူကိုမြင်ဘူးတယ် ဆိုပြီးအန်တီက သေချာချာကြည့် နေတာ ဆံပင်က ဟိုးတုန်းက ဒိုင်ယာနာမင်းသမီးထားတဲ့ ဆံပင်ပုံစံတိုတိုလေး အထပ်အထပ်တွေနဲ့ပါ သူ့ဂါဝန်က အဖြူရောင်မဟုတ်ဘူး အဝါရောင်ဖျော့ဖျော့ လေးရယ် တော်တော့ကို ပိန်ပိန်ပါးပါး နဲ့ချစ်စရာကောင်းပါတယ်။ ဒါပေမဲ့ မမရယ် အန်တီတို့ဟိုနေ့က ညဘက်ကြီးအခန်းဝမှာတွေ့ တဲ့အမျိုးသမီးရဲ့ မျက်နှာနဲ့တပုံစံထဲပါ မမဖုန်းကိုင်တော့ သူထထွက်သွားတာပါပဲလို့ ပြောရင်းငိုပါတော့တယ်။ ကျမအံ့သြလွန်းကြီးစွာ နဲ့ ကြက်သေသေ နေမိပါတော့တယ်ရှင်..။
ဆက်ရန်
